وهلاأ لاخوتنا وحبايب الشام اللي بحبو كل شي قديم رح نفرجيكم صور لمهن قديمة اغلبها راح وانتهى وصار من ذكريات الماضي ويمكن جدي وجدك بيذكروها منيح
وكل واحد من الزوار واعضاء المنتدى عندو معلومة إضافية حول أي مهنة من هالمهن ممكن يتكرم ويكتبها وانا هلأ رح اكتفي بوضع صور هالمره مع بعض التعليقات
وهذي هي الجزء الأول من المهن لانو في جزء تاني وتالث عن مهن منتفاجأ فيها وما منعرف عنها إلا القليل
ومنبدأ هلأ بمهنة الحلاق وشوفو كيف الزبون قاعد والحلاق عم يحلقلو دقنو وحتى الأرجيلة ظاهرة بكل الصوروهذه مهنة النجار أيام زمان كل شي يدوي وهو هلأ عم يصنع كرسي زغير من القشوهذا هو المجلخ الي كان يدور بهالحارات ويصيح مجلخ مجلخ مجلخ سكاكين مجلخ مقصات وتطلع الاولاد من بيوتها
وكل واحد منهم امو باعتو ومعو سكاكين ومقصات ليجلخهن يعني ( يسنهن ) ويحدهم ويصيرو متل الشفرة

وهي مهنة لبياع الزبادي اللبن والمحلاية ايام زمان كانو يدورو عالبيوت مو قلتلكن شغلات ما بتتصدق

وهذا هو بياع التحف الشرقية والمصدفات شوفو شلون رجال كبير عليه الوقار ومبين عليه ابن مصلحة وكار
شوفو التحف الارابيسك اللي حواليه وشوفو القباقيب العالية المصدفة

وهذا هو بياع الخرشوف وهي نوع من العود المطيب متل القرفة ويمكن بيستعملوه للمشروبات متل الشاى والله اعلم

وهلأ صار دورنا عند العرضحالجي وهو اللي بيكتب الدعاوي والعرايض الحكومية وهلأ بتلاقوه قاعد قدام المحاكم والدوائر الحكومية

وأخيرا البياع المتجول وهذا اغلبنا بيعرفو وشايفو بيلف بهالحارات وعم ببيع بندورة ولفت وسلق وغيراتو
وهو عم بنادي على بضاعتو ريانة هالبنادورة … يبرودية هالبطاطا … يا عيار البصل ويبرودي يا توم ومن اللذي منو

وهلأ خلصت الصور منتمنى تكون عجبتكن وموعدنا المرة الجاية وصور ومهن جديدة ما بتخطرلكن على بال
أودعناكم

إعداد اليسار مط